Herrerako Sukalde

*bideoa euskarazko azpitituluekin!

Ongi etorri Su|cAldera!

Kolektiboki antolatutako zerbitzua, denbora, esfortzua eta gastuak elkarrekin aurreztuz gure lurraldeko 1go sektore eta dendetako lehengaiekin egindako etxera eramateko jaki goxo, merke eta osasuntsuak jaso:

EGiN PARTAiDE!

Menuak:

ESKAINTZA OSOA: Arraia/haragia, moldagarriak, barazkiak, lekalea eta iraunkorrak.

BEGETALA: Moldagarriak, barazkiak, lekalea eta iraunkorrak.

OINARRIZKOA: Lekaleak eta iraunkorrak.

Prezioak:

2022/23ko martxa:

Herrerako Sukalde lau astetako txanpen bidez funtzionatuko du: Partaideak gutxienez 4 astez parte-hartzen du ekimenean eta, lau astetik lau astetara, bere partaidetzarekin jarraitu, utzi edo menua aldatu nahi duen erabakitzen du. Galdeiguzu telefonora deituz edo idatziz!

642 183 376 – sukalde@auzokoherreran.com

Hurrengo ataletan, lankidetzan aritzeko dugun funtzionamenduaren inguruko xehetasun gehiago!!

EMAZU iZENA!

“Su|cAlde” ekimenaren bitartez balio hauek gure komunitateetan sendotzen lagunduko duzu:

Elkarlana eta Gizarte-kohesioa:

Auzokideen arteko giza-harremanak sustatuko dira, ekimenean zehar egongo diren topaketa eta lankidetza-uneen bitartez.
Ekimen hau, Auzoko plataforma herritarraren oinarri etikoarekin bat egiten duten belaunaldi, jatorri, genero eta sinesmen ezberdinetako auzotarrei zuzentzen zaie, berdinki.
Auzoko-zerbitzua etengabe hobetzeko partaideen iritziak jasotzeko mekanismoak sortuko dira.
Administrazioarekin lankidetzan aritzeko irekitasuna adierazten da, komunitatearen autonomia errespetatuz auzotarron beharrei erantzuten dieten proiektu komunitarioetan lankidetza inter-instituzionala sustatuz.

Jasangarritasuna eta Permakultura:

Tokikoak diren eta ekoizpen-eredu jasangarriak erabiltzen dituzten ekoizleak lehenetsiz, karbono arrasto txikiko eta ingurugirorako kaltegarriak diren praktikak baztertzen dituzten kontsumo-ereduak indartuko dira.
Janaria banatzeko ontzi berrerabilgarriak erabiliko dira, plastikoaren sorkuntza eta erabilera murriztzea lortuz.
Soberakinak kudeatu eta janari-zarrastalkeria ekiditeko u003cemu003e(janari-galera) u003c/emu003eaurreikuspen-sistemak erabiliko dira prozesuan zehar.

Tokiko-garapen integrala:

Tokiko kontsumoaren bidez eta auzotarrentzako lanpostuak sortuz komunitatea ekonomikoki sendotzea lortzen da.
Lankidetzaren bidez norbanakoen esfortzuak murriztea lortzen da, auzotarroi bizimodua erreztuz.
Auzoko-zerbitzu honen jardunean zehar euskararen erabilera sustatuz, hizkuntz aniztasuna kudeatzeko medioak jarriko dira eta euskararen ulermen eta erabileraren aldeko apustua egingo da.

Justizia soziala:

Egungo gizarteko desoreka sozial batzuengan eragina izatea bilatzen da: 1go sektorearen lana behar bezala aitortzea, merkatuak barneratzen ez dituen etxeko-lanak kudeatzeko irtenbide kolektiboak eratzea, ahulezian dagoen tokiko-hizkuntza eta izaera sendotzea, oinarrizkoa falta zaien eta bazterketa arriskuan dauden auzotarroi erreztasunak ematea… besteak beste.
Osotasunetik lantzen duen ekimena da, bizitzaren dimentsio askotan eragitea bilatzen duena: ekonomian, harremanetan, identitatean, ahalduntze herritarrean, osasunean, kulturan, naturan…

Herrerako Sukalden parte-hartzerakoan lankidetza-eremu batean sartzen zara, praktika errezen bitartez zerbitzuaren iraupena bermatzeko balio duen funtzionamendu batean. Hau da, oro har, ekimenak duen funtzionamendua:

Partaideek astelehenetan hurrengo asteko menua jasotzen dute, eta asteazkenera arte dute erreserba egiteko u003cemu003e(mugikor bidez edo presentzialki)u003c/emu003e.
Egindako menu-aukeraketaren arabera, partaidea behin edo bitan etorriko da ontziak jasotzera. Jasoketara aurreko astean erabilitako ontziak garbiak eramaten ditu itzultzeko eta poltsa bat ekartzen du ontzi berriak eramateko. Ontzi hauen entrega aste guztian zehar egiteko aukera dago, astelehenetik ostiralera, 10h30etatik 15h30tarako ordutegiarekin.
Lau jasoketa-ordu daude:u003cbru003eu003cstrongu003eAsteleheneko jakiak jasotzeko: u003c/strongu003eu003cbru003eAstelehena 18h30etatik 20h30etara eta asteartea 10h30etatik 15h30etara.u003cbru003eu003cstrongu003eAsteazkeneko jakiak jasotzeko:u003c/strongu003eu003cbru003eAsteazkena 18h30etatik 20h30etara eta osteguna 10h30etatik 15h30etara.
Partaideek ebaluazio-galdetegiak osatzen dituzte noizbehinka, auzoko-zerbitzua hobetzera bideratutakoak.

Alboan, uztailan zehar egindako Herrerako Sukalde probaldiko asteetako batean egon zen menu-eredua dago ikusgai. Aukera hauetaz gain, plater iraunkorrak daude eskuragarri astero (pasta, arroza, entsaladak, krema, zopa).

Herrerako Sukalden parte-hartzeko interesa baduzu, hauek dira eman beharreko pausuak:

Emazu izena u003ca href=u0022https://docs.google.com/forms/d/e/1FAIpQLSfFGWRKjFzs8nKCe_PsluV-9zyW9rfjdA6DOk3HxBXGb9iGYA/viewformu0022u003eu003cemu003eHerrerako Sukaldeu003c/emu003e ekimenean!u003c/au003e Auzo|co kide egiterakoan elkartearen u003ca href=u0022http://auzokoherreran.com/auzoko/u0022u003ebaloreekin bat egiten duzulau003c/au003e esan nahi du.
Bete gerora bidaliko zaizkizuen menu-hautaketa eta ebaluazio galdeketak!
Disfrutatu auzoko-sukaldeko jaki goxoez! 🙂

Ekimenak interesa pizten badizu, parte-hartu edo jarri gurekin harremanetan!

Partaideek Herrerako Sukalde ekimenean parte-hartzeko, lehenik eta behin, menu hauetatik astero zein aukera jaso nahi duten erabaki behar dute. Hautua gutxienez lau astetan zehar mantenduko da, gerora, aldaketa proposamenak jasoko direlarik:

Herrerako Sukaldeko jakiak jaso ahal izateko, lehenik eta behin, ontzi berrerabilgarriak ordaintzen dira (sarrera-kuota baten modura egiten da). Ordainketa hau bakarra eta hasierakoa da, hortik aurrera menuei dagokien kopurua ordaintzen delako bakarrik. Herrerako Sukalde utzi nahi duzula? Zure menuari dagokion ontzi kopurua emango zaizkizu. Herrerako Sukalden jarraituko duzula? Ez duzu zertan ontzien gastua berriro ordaindu beharrik, aurrerantzean, menuak ordainduko zenituzke bakarrik.

Ontziak ordainduak dituzunean, aukeratutako menu-motari dagokion lau asteetako ordainketa egiten da. Modu horretan, auzoko-zerbitzuaren zenbait gasturi aurre egiteko ahalmena lortzen da eta partaideak ez dute zertan diruarekin ibili behar txanpako lau asteetan zehar zehar.

Ordainketa esku-dirutan edo transferentzia bidez egingo da.

Auzotarrok dugun jateko-beharra asetzen lagundu nahi duen auzoko-zerbitzua da Herrerako Sukalde. Kontsumo-kolektibizatu honen bitartez, jakiak prestatzeak dituen kostuak auzotarron artean berdinduz (lehengaiak, sukaldea eta langileak) eta tokiko nekazari, abeltzain eta arrantzaleok ekoitzitako produktuak landuz, elikadura osasuntsu eta goxoak prezio onetan eskaini nahi zaizkie auzotar eta kideei.

Auzoko zahar etxearekin eta elkarte gastronomikoekin lankidetzan, zenbait goizetan soldatapeko sukaldariek janaria euren azpiegituretan prestatuko dute eta, arratsaldetan, ontzi-eramangarrietan zabalduko zaizkie auzotarrei. Irabazi asmorik gabeko ekimena denez, diru-sarrerak zerbitzuaren kostuak ordaintzera eta horrelako ekimenak auzoan sustatzera bideratuko dira, lurraldean ekonomikoki, sozialki eta kulturalki eragin positiboa izango dutenak.

Auzoko-zerbitzua erabiltzea, katering-zerbitzu batean kontsumitu baino, auzotarren beharretara egokitzen den zerbitzu kolektibizatuari bizia ematea suposatzen du. Ekonomikoki errentagarriak diren proiektu eraldatzaileen bidez balore jakin batzuk sustatzea lortuko da, “erosle” edo “saltzaile” figuratetatik haratago, auzotarrentzako eta auzotarrengandik sortutako zerbitzu ekonomiko jasangarriak martxan jartzea lortuz.

Interesa pizten badizu, hobe duzu izena lehenbailehen ematea, partaide taldea izen-ematearen segidaren arabera mugatuko baita! (Zonaldeko bizilagunei lehentasun berezia emango zaielarik).

Izen-emateak urte osoan zehar egongo dira zabalik.

Animatu Herrerako Sukaldeko kide izatera!

Ekimena zenbait eragileren lankidetzari esker eramaten ari da aurrera: